പ​ത്തു​വ​യ​സു​കാ​രി​യെ ത​ട്ടി​ക്കൊ​ണ്ടു​പോ​യി ഉ​പ​ദ്ര​വി​ച്ച​യാ​ൾ മ​ല​യാ​ളം സം​സാ​രി​ക്കു​ന്ന കു​ട​ക് സ്വ​ദേ​ശി; പ്ര​തി​യു​ടെ പേ​രി​ൽ മു​മ്പും പോ​ക്സോ കേ​സ്; ഫോ​റ​ൻ​സി​ക് ഫ​ല​ത്തി​നാ​യി കാ​ത്ത് പോ​ലീ​സ്

കാ​ഞ്ഞ​ങ്ങാ​ട്: ഹോ​സ്ദു​ർ​ഗ് പോ​ലീ​സ് സ്റ്റേ​ഷ​ൻ പ​രി​ധി​യി​ൽ വീ​ട്ടി​ൽ ഉ​റ​ങ്ങി​ക്കി​ട​ന്ന 10 വയസുള്ള പെ​ൺ​കു​ട്ടി​യെ ത​ട്ടി​ക്കൊ​ണ്ടു​പോ​യി ഉ​പ​ദ്ര​വി​ക്കു​ക​യും സ്വ​ർ​ണാ​ഭ​ര​ണം മോ​ഷ്ടി​ക്കു​ക​യും ചെ​യ്ത കേ​സി​ലെ പ്ര​തി നേ​ര​ത്തെയും പോ​ക്സോ കേ​സി​ലു​ൾ​പ്പെ​ട്ട​യാ​ൾ. ഇ​യാ​ൾ ക​സ്റ്റ​ഡി​യി​ലാ​യ​താ​യാ​ണ് സൂ​ച​ന.

കാ​സ​ർ​ഗോ​ഡ് ജി​ല്ല​യി​ലെ ത​ന്നെ മേ​ൽ​പ​റ​മ്പ് പോ​ലീ​സ് സ്റ്റേ​ഷ​ൻ പ​രി​ധി​യി​ൽ നി​ന്ന് ത​ന്‍റെ ബ​ന്ധു​വാ​യ പെ​ൺ​കു​ട്ടി​യെ ബൈ​ക്കി​ൽ ക​യ​റ്റി​ക്കൊ​ണ്ടു​പോ​യി ആ​ദൂ​ർ വ​ന​ത്തി​ലെ​ത്തി​ച്ച് പീ​ഡി​പ്പി​ച്ച​തി​നാ​യി​രു​ന്നു കേ​സ്. ഈ ​കേ​സി​ൽ ഇ​യാ​ൾ അ​റ​സ്റ്റി​ലാ​യി നാ​ലു​മാ​സം ജ​യി​ലി​ലും ക​ഴി​ഞ്ഞി​രു​ന്നു.

ജാ​മ്യ​ത്തി​ലി​റ​ങ്ങി​യ ശേ​ഷ​മാ​ണ് ഹോ​സ്ദു​ർ​ഗ് പോ​ലീ​സ് സ്റ്റേ​ഷ​ൻ പ​രി​ധി​യി​ലെ ഭാ​ര്യ​വീ​ട്ടി​ൽ താ​മ​സ​മാ​ക്കി​യ​ത്. ആ​രു​മാ​യും അ​ധി​കം സം​സാ​രി​ക്കു​ന്ന പ്ര​കൃ​ത​ക്കാ​ര​ന​ല്ലാ​ത്ത ഇ​യാ​ളു​ടെ തൊ​ഴി​ലെ​ന്താ​ണെ​ന്നും വ​രു​മാ​ന​മാ​ർ​ഗ​മെ​ന്താ​ണെ​ന്നും നാ​ട്ടു​കാ​ർ​ക്ക​റി​യി​ല്ല.ക​ർ​ണാ​ട​ക​യി​ലെ കു​ട​ക് സ്വ​ദേ​ശി​യാ​ണെ​ങ്കി​ലും മ​ല​യാ​ളം ന​ന്നാ​യി സം​സാ​രി​ക്കും. 14 വ​ർ​ഷം മു​മ്പാ​ണ് കാ​ഞ്ഞ​ങ്ങാ​ട്ടെ​ത്തി വി​വാ​ഹം ക​ഴി​ച്ച​ത്. മേ​ൽ​പ​റ​മ്പി​ലെ കേ​സി​ൽ പ്ര​തി​യാ​യ​ത് അ​തി​നു ശേ​ഷ​മാ​ണ്.

കാ​ഞ്ഞ​ങ്ങാ​ട്ടെ പെ​ൺ​കു​ട്ടി​യെ ആ​ക്ര​മി​ച്ച സം​ഭ​വ​ത്തി​ന് ര​ണ്ടു​ദി​വ​സം മു​മ്പ് സ​മീ​പ​ത്തു​ള്ള മ​റ്റൊ​രു വീ​ട്ടി​ൽ ക​യ​റി സ്ത്രീ​യു​ടെ മാ​ല പൊ​ട്ടി​ച്ചോ​ടി​യ​തും ഇ​യാ​ൾ ത​ന്നെ​യാ​ണെ​ന്ന് പോ​ലീ​സ് ക​ണ്ടെ​ത്തി. പോ​ലീ​സ് പ​രി​ശോ​ധി​ച്ച സി​സി​ടി​വി ദൃ​ശ്യ​ങ്ങ​ളി​ൽ നി​ന്നു​മാ​ണ് ഇ​ത് വ്യ​ക്ത​മാ​യ​ത്. ന​ഷ്ട​പ്പെ​ട്ട മാ​ല മു​ക്കു​പ​ണ്ട​മാ​യ​തി​നാ​ൽ അ​ക്കാ​ര്യ​ത്തി​ൽ അ​ധി​കം അ​ന്വേ​ഷ​ണം ന​ട​ന്നി​രു​ന്നി​ല്ല. ക​ർ​ണാ​ട​ക​യി​ലെ സു​ള്ള്യ, മ​ടി​ക്കേ​രി സ്റ്റേ​ഷ​ൻ പ​രി​ധി​ക​ളി​ലും ഇ​യാ​ൾ​ക്കെ​തി​രേ പി​ടി​ച്ചു​പ​റി കേ​സു​ക​ൾ ഉ​ണ്ടെ​ന്നാ​ണ് വി​വ​രം.

പെ​ൺ​കു​ട്ടി​യെ ആ​ക്ര​മി​ക്കു​ന്ന​തി​നി​ടെ പ്ര​തി​യു​ടെ കൈ​യി​ൽ നി​ന്നു വീ​ണ ക​റ​ൻ​സി നോ​ട്ടും പെ​ൺ​കു​ട്ടി​യു​ടെ വ​സ്ത്ര​ങ്ങ​ളും ഫോ​റ​ൻ​സി​ക് പ​രി​ശോ​ധ​ന​യ്ക്ക് അ​യ​ച്ചി​ട്ടു​ണ്ട്. ഇ​വ​യി​ൽ നി​ന്നു ല​ഭി​ക്കു​ന്ന തെ​ളി​വു​ക​ൾ കേ​സി​ൽ നി​ർ​ണാ​യ​ക​മാ​കും. കാ​ഞ്ഞ​ങ്ങാ​ട്ടെ ഭാ​ര്യ​വീ​ട്ടി​ലാ​ണ് താ​മ​സ​മെ​ന്ന് പ​റ​യു​മ്പോ​ഴും ഇ​യാ​ൾ എ​ല്ലാ​ദി​വ​സ​വും അ​വി​ടെ എ​ത്താ​റി​ല്ലെ​ന്ന് പ​റ​യു​ന്നു. വ​ന്നു​ക​ഴി​ഞ്ഞാ​ൽ ഭാ​ര്യ​യെയും മ​ക്ക​ളെയും ഉ​പ​ദ്ര​വി​ക്കു​ന്ന സ്വ​ഭാ​വ​വും ഉ​ണ്ടെ​ന്ന് അ​വ​ർ പോ​ലീ​സി​നോ​ട് പ​റ​ഞ്ഞി​രു​ന്നു. മൊ​ബൈ​ൽ ഫോ​ണും ഉ​പ​യോ​ഗി​ക്കാ​റി​ല്ല.